खोर ठिक नभए कुखुरा सप्रदैन् ।

कुखुरापालन  गर्दा सबैभन्दा पहिले खोरको महत्वलाई बुझ्नु पर्छ । अव्यवस्थित, कमसल र असुरक्षित खोरमा कुखुरा पालेर व्यवसायमा सफल हुनु सकिँदैन्, बरु असफल बनिन्छ । त्यसैले कुखुरा पाल्नुअघि आफुले बनाएको खोर मापदण्डअनुसार भए–नभएको बुभ्नु आवश्यक हुन्छ । तपाइले कुखुरा पालिरहेको खोर अथवा नयाँ पाल्न निर्माण हुँदै गरेको खोर तल  उल्लेखित मापदण्डविपरित छ कि ? छ भने खोर र वातावरणलाई सुधार गर्नु पर्छ । खोर ठिक नभए कुखुरा सप्रदैन जसले गर्दा व्यसायमा क्षति हुन जान्छ ।

  • कुखुराको खोर गाउँ–बस्तिभन्दा अलग, चारैतर्फबाट हावाको सञ्चार हुने, मानिसको आवतजावत कम हुने खुल्ला ठाउँमा हुनु पर्छ ।
  • खोर बनाएको ठाउँमा यातायात, बिजुली र पानीको राम्रो प्रबन्ध हुनु पर्दछ ।
  • खोर निर्माण गरिने सामाग्री स्थानीयरुपमा उपलब्ध भए सस्तो पर्न जान्छ ।
  • खोरका लागि अन्य चिज उत्पादन नहुने बाँझो जमिन उपयुक्त हुन्छ ।
  • खोर निर्माण गर्ने सामाग्रीहरु चिसोमा न्यानो र गर्मीमा ठण्डा हुने किसीमको प्रयोग गर्नु पर्दछ ।
  • खोर निमार्ण गरिएको ठाउँमा वरिपरीको घेराबारा वा पर्खालले घेर्दा राम्रो हुन्छ । जसले गर्दा खोरभित्र अन्य घरपालुवा पशुपंक्षि तथा मानिसको प्रवेश सिधै हुन पाउँदैन् ।
  • खोरको लम्बाई बढिमा दुई सय फिटभन्दा बढि राख्नु हुँदैन । चौडाई २० फिटभन्दा बढि गर्नु हुँदैन् ।
  • खोरको लम्बाई पूर्व पश्चिम र चौडाई उत्तर–दक्षिण फर्किएको हुनु पर्छ ।
  • खोरको बिचको धुरीको उचाई १३ फिटभन्दा माथि हुनु हँदैन् ।
  • खोर बनाउँदा भुइँबाट एक फिट गाह्रो उठाएर त्यसभन्दा माथि जंगली चरा, घरपालुवा पंक्षी र अन्य चिजहरु नछिर्ने गरी उत्तर–दक्षिण छ फिट जाली लगाउनुका साथै पूर्व–पश्चिम भ्यालसहितको दिवाल लगाउनु पर्छ ।
  • खोरको छाना खोरभन्दा २.५ फिट बाहिर निकालेर
  • बनाउनु पर्छ जसले गर्दा पानीको बाछिटा र सिधै घामको प्रकाश खोरभित्र छिर्न पाउँदैन् ।
  • खोरको भुइँ क्षेत्र चिस्यान नहुने हुनु पर्छ । भुइँलाई सकभर ढलान गरेर बनाउँदा सफासुग्घर राख्न सकिन्छ ।
  • एउटा खोरबाट अर्का खोरको दुरी ५० फिटको हुनु पर्दछ ।
  • ब्रोइलरको खोर बनाउँदा अलिकति अग्लो ठाउँ रोज्नु पर्दछ ।
  • खोरको वरीपरी पानी जम्ने ठाउँ राख्नु हुँदैन् । पानी निकासको राम्रो व्यवस्था हुनु पर्दछ ।
  • खोरको वरिपरी खाल्डाखुल्डी झारपात र फोहोर हुनु हुँदैन् ।
  • चल्ला ब्रुडिङ गर्ने खोर ठुला कुखुराको खोरभन्दा अलिकति टाढा हुनु पर्दछ ।
  • खोर बनाउँदा कति कुखुरा हो, त्यसको हिसाब गरेर ब्रोइलरलाई जाडोमा ०.७५ र गर्मीमा १ स्क्वायर फिट क्षेत्रफल प्रति ब्रोइलर चाहिन्छ भने लेयर्स कुखुरालाई २ स्क्वायर फिट चाहिन्छ । खोरमा भ्यान्टिलेसनको समुचित व्यवस्था मिलाउनु पर्दछ ।
  • खोरको जग बलियो बनाउनु पर्दछ । जसले गर्दा बहिरको पानी खोरभित्र पस्न पाउँदैन् ।
  • कुखुराको खोरमा भित्र–बाहिर नियमितरुपले निसंक्रमित झोलले स्प्रे गर्नु पर्दछ ।

 

  • hari timalsina

    Mera kehi question haru xan sodna sakxsakxu..???

Article by